نكت مغربية مضحكة 2013

من طرف **sanae12** السبت مارس 01, 2014 11:31 pm

نكت 1

واحد عزي لابس لكحل وراكب مرسيدس بيضا وقف علا وحدة قال ليها كيجيتك…قالت ليه كيكوكا فالثلاجة

نكت 2

هذا واحد مول الطاكسي مبوق مزيان غادي فالمدينة او هي تشير عليه واحد المرآ هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش

نكت 3

قليك هدا واحد المعلم سول واحد التلميد قاليه اش بغيتي تكون فاش تكبر قاليه التلميد بغيت نكون ولد الحرام!!!!!!
جالمعلم قاليه علاش اولدي
قاليه التلميد حيت بابا فاش كيشوف شي حد عندو طونوبيل واعرة كايقوليه ولد الحرآآآآآآم

نكت4

هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نج

نكت 5

هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول

نكت 6

راجل معقول كان غادي وطاح ف حفرة ناض منها وشاف قدامو وهي تبان ليه حفرة أخرى وقال: أوووف هنطيح عوتاني

نكت 7

واحد الدري مدة هادي ماشاف واحد صاحبو قال والله حتا نمشي نسول عليه
مشا لدار ديالهم دق دق خرجات مو... سولها قالت ليه اولدي من داك النهار سخرناه يجيب اللحم مارجاعش
قال ليها و شنو درتو؟؟ قالت ليه الدجاج

نكت 8

هادو ثلاثة الدراري مشاو السينما 1-عمي 2-اصم 3-احول
قال العمي: انا سمعت الفلم لكن ما شفتوش
قال الاصم:انا شفت الفلم ولكن ما سمعتوش... واش قال الاحول: انا احسن منكم شفت الفيلم جوج مرات

نكت 9

هادي واحد الدجاجة دصر عليها واحد الثعلب مشات عند راجلها الفروج قالت ليه ان الثعلب دصر عليها ما عجبوش الحال قالها هاني غادي نوريه الشغال . منين كان راجع شافتو مريش قالتيه مالك الراجل فين الريش ديالك قالها انا جبدت عليه الجاكيتة و هو يهرب

نكت 10 و الاخيرة

هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.

ناض السيد كيضحك. سولو القاضي: مالك؟

قال ليه: كانت كتديها كاملة