تفوسيخة ليك ولعزيز عليك بطريقة الغربال

انا جبت ليكم تفوسيخة ليك ولعزيز عليك وبالتوضيح.-------فهي من اسراري
ممكن اي حد يفوسخ 2 اشخاص دقة واحدة بطريقة اللدون والغربال واييييييييفكاس وغاتشكروني عليها
للتدكير -اللدون ما يدارش يوم الجمعة ومايدارش بعد صلاة العصر. هذه من جهة
ممكن هاد الخدمة تدار للناس مخطوبين لعندهم العكوسات او التقاف زواج. او عرسان جدد
ممكن كذلك للناس لعندهم الصداع والمشاكل في العمل ديالهم مع مدير او زميل مثلا.
ممكن للخوت الا عندهم شجارات في العائلة................الخ الخ
العلاج 3 ايام.الاربعاء والخميس والسبت. او الاتنين والاربعاء والخميس افضل. باش الجمعة تبخري
غانحتاجو باذن الله صفيحة نقية لدون صافي يُمسح بالقليل من ماء الزهر.
ماء البحر ولماكتوفرش عليه تدير ماء سيدي حرازم حيت مالح شوية
صورة المطلوب وصورة المطلوبة وأثرهما -
ماء الزهر + حنة اوراق
مسمار الهند
غربال شبكة ديالو حديد
سطل وضوء ما كبيرما صغير ما عدا اللون الاسود تفاداوه
-على بركة الله طبعا طهاااارة .لموجود خاصو يكون مطهر بدون حيض. وخاص لغاتتفوسخ تحل شعرها وتنزع الحلاقات والخواتم ولي دايرة بيرسينغ تحايدو يعني خاصك تكوني بحال لخارجة من كرش امك.اّذا كانت غير حاضرة او مسافرة وشي حد لغيقوم بعملية الفسيخ من الاحسن تنزع المجوهرات حتا يساليو لها التفوسيخة ويردو عليها الخبار بالهاتف وتلبس حلاقاتها ............
يكتب اسم البنت وامها واسم بوركابي وامه.في صفيحة اللدون بالمسمار. نتجه للقبلة ثم ندوزو اللدون على واحد فيهم لحاضر من طرفين او بجوج الا كان بوركابي عندو مع هاد شي لجميع انحاء الجسم راس الاكتاف وخصوصا الصدر .........حتا لرجلين سبقو اليمين عاد اليسار مثل الوضوء الكبير.دوزوه على الدات كاملة خصوصا المفاصل .في نفس الوقت نتوما كتقراو اية الكرسي بلا عدد حتا تساليو العملية ديال مرور اللدون على انحاء الجسم كله عاد قولو صدق الله العظيم.
وضعوه في النار.انا كنديرو يدوب في ملعقة لكنغرفو بها الحريرة او شربة حجمها كبير افضل من الكسرونة يديها قصيرة.على العموم اناء الدوبان من اختياركم .اثناء الدوبان جهزي السطل فيه الماء والقليل ماء الزهر.غاتوضعي الصور في جنب السطل من الداخل الوجه يشوف في الوجه واقفين.ثم رشي سطح الماء بشوية الحناء اوراق. الغربال ديرو فيه أثر الراجل والبنت .اي حاجة من عرقهم او الزطمة لعندها. خدي باليد اليمنى اللدون الدائب وباليد اليسرى الغربال وجهيه فوق السطل قريب.قولي بسم الله 3 مرات.ونتي كاتشوفي في جهة القبلة وطفي اللدون واتناء الطفيان حاولي تغلقي السطل بالغربال مباشرة باش مايطيرش اللدون عليك. مجرد ما تسمعو صوت اللدون قولي الله اكبر.حركي اللدون بشوية يطلع الدخان للغربال يتسرب في الملابس لفلغربال.ردي اللدون يدوب وراقبي الصور رجعيها وجه لوجه وكرري العملية 3 مرات لمدة 3ايام بنفس اللدون حتا يصبح مثل الرمل او التراب.بعد الانتهاء مسحو يديكم ووجهكم ورجليكم بداك الماء السطل.يرمى الماء والمسمار بعيييييد عن البيت في حديقة او غابة. واللدون يوضع في كيس ابيض ويرمى من الخلف .بدون رايته.وحتا لمعاك ميشوفوش كيترمى.اما السطل ديرو فيه السكر وخليه حتا ترميه من بعد.
من الاحسن بعد الانتهاء ضربوها بنعسة وما تسوقو لحد.وغاترتاحو انشاء الله وبلا منقول ليكم غادي تحسو بالتغيير.
-للإشارة- تقدري في الايام الاولى من العلاج تحسي بصداع في الرأس أو عضامك يتقالو ...............عادي جدا ما تخلعوش لجاتها هاد الحالة عادي
الله يشافي ويعافي .

يعطيك الصحه