عندي حلم واحد تمنيت انا تفسرو تفسرو ليا بسمة

توحشتك توحشتك بسومة بزاف جيت للمغرب غير طبعي ل شي سطح وعيطي عليا ...... نجاوبك في الحين،المهم زين عندي ليك حلم نتمنى تفسريه حلمت خير و سلامة اني لقيت عند ختي واحد القلم ديال الحواجب وانا نقول والله هدا نولي نديرو لحاوجبي دخلت الحمام بغيت نديرو و هو بحالا حسن لي من حجباني انا دوزتو من فوق و حسن لي هديك بلاصة و انا نشوفو لقيت نصو قلام ونصو ززوار،،،عاودت دوزت على حجباني من بلاصت القلم عاود نقص لي من حاجبي....مع العلم منيت جيت و انا فيا العين قتلاتني....نسيت مسولتك على خيارك ا زين نتمني تكوني لاباس 

هلا اهلا اهلا توحشتك والله العظيم لبارح تفكرتك قلت لحبيبة فين غبرات الحمد لله على سلامتك وانا تنقولك المغرب علاش نور هذ الايام

مرحبا احبيبة بيك وباحلامك ياغالية هذ الحلمة عندو علاقة وطيدة بالعين معناه ان العين سببت لك تغير فالحال يمكن تتهتمي بنفسك قدام الناس وهذ الشي جاب لك عين الخلق الله يكفيك شرهم والله اعلم من الاحسن ديما تقولي اعوذ بكلمات الله التامة من كل شيطان وهامة ومن كل عين لامة قبل متلتقي باي انسان من العائلة او من خارجها وحمد لله على سلامتك مرة ثانية حبيبة

المغرب منور بناس بحالك ا زين شكرًا بزاف عندك الحق...انا ديما كنقول هاد الدعاء و نقرا القرآن غير انا غير مواضبة على الصلاة الله يهدين    تهلاي فراسك أزين الله يعطيك كل ما نويتي في خاطرك

ربي يخليك احبيبة العفو لهلا يخطيك لا الصلاة ضروري من المواظبة عليها الزين هي لي غتحصنك وهي الصلة بينك وبين لي خلقك لانو الاذكار بلا صلاة ماعندهم تاشي فايدة الله يقوي ايمنا جميعا ويثبتنا باربي ويهدينا احبيبة عطلة سعيدة ان شاء الله وزورينا مرة مرة

ضروري ا زين نزورك "انا ليا مين غيرك"" ان شاء يارب بقاي داعاي معايا....ان شاء الله نسمع عليك اخبار زوينة

ربي يخليك احبيبة وحتى لابغيتي تزوريني بالمباشر مرحبا والف مرحبا الا مهزاتك الدار تهزك روموش عينيا الغزالة امين شكرا لدعائك وتانتي الله يحجبك من العين انتي والوليدات ومول الدار وكيف جيتو سالمين ترجعو غانمين ان شاء الله