عطيوني أراكم البنات

الزين اش خبارك و خبار البنوتة
هادي زعما رها عارفاه متزوج حاولي تكوتي في الحفلة متلقة و تلفتي انتباه الجميع و نكوني نتي اجمل وحدة باش الأنظار تتركز عليك وراجلك يحس بالغيرة باش ميديهاش فيها و تفقسيها باش تتأكد ان زوجك معمرو يدها فيها بتاتا هكذا كندير انا فينما كتكون عدنا شي حفلة في الخدمة او شي كريم ديال شي واحد غينتاقل..... كنحاول نكون على غير العادة متئلقة باش نفقص الأخرين ههههه ولاكن ملي كنرجع لدار كنمرض واحد السيمانة غير بعينين البشار

ههههه حبيبة كوني سياسية و كبري عقلك و حاولي متبينيش ليها و في نفس الوقت متنافقيهاش حاولي تخليها تحس بلي نتي عارفة كلشي

ولاكن بدكاء خارق

و الله يعوضك على سنيسلة ههههههه



اشنو سميتي الكتيكيتة

ايوا هاكدا نبغيك كوني لالة او مولاتي بذكاء كوني صغيرة في السن ولاكن ذكية و راقية و تقيلة هاكدة غادة تحافضي على زوجك واش عرفتي اختيتو راجل ملي كيكون مع مراتو في شي عراضة او حفلة و مراتو كتكون متألقة و كتسلط عليه الأضواء هو كدالك وملي تتسالي ديك العراضة تجي شي حد من صحابو و يقول ليه اه ههههه احبي وا نتا ليي مزوج مراتك اخاي زين و لكلاص والرزانة و سعداتك اخويا و نتا لي عايش ههههههه راجل غير تيسمع هيدا و تعرف انو عندو جوهرة تمينة و تولي خايف يقصر من جيهتها و خاصو غير كيف يحافظ عليها و يملي ليها عينها

ههههههه سنسلة رها تخلف سميتها غزالة الله يخليها ليك

بركانية الزين هذ السمية دلجين كتعحبني غزالة ربي يحفظها لك اما بخصوص هد خيتي تنصحك متعطيهاش وقت فالحفلة الا حسستيها انك مسوقة ليها غادي تعززي ثقتها فنفسها وتحسسيها انها قادرة تاخدو منك لا تصرفي عادي وكيف قالت لك كاترينا تقادي مزيان باني واعرة عليها وحاولي تلفتي لك الانظار بتصرفاتك واناقتك وتعاملك كوني متحدثة لبقة مع الحضور وخليك فجنب راجلك كتخليش لها فرصة فالحفلة وبلا متحسسيه انك لاصقة فجلايله  هذا غير انك حاصك تكون هذ الايام فدارك مهتمة بيه زيادة على العادة وربي يغلبك عليها ويخلي لك راجلك ويبعدها عليكم

ههههههههه حتا راجلي في الأول كنا بحال هكدا كنخرج معاه كنجيو مخاصمين تيبقى عليا حدري عينيك و لا مال هداك شاف فيك رجال كاملين هكداك انا غير لبارح دابزت معاه علا اني كنت في الكوزينا و حلا شرجم و احد الجار كيطل من البالكون راه راجل كيطل على ولدو رجلي شداتو الغير ة وزدح ليه شرجم في وجهو ولاكن انا ملي كيدير هكدا كنحمقو نتولي نعيط ليه المغيار ديالي حتى تيمرض هههههه ولا تنخليه تينسى و نجي نقول ليه حبيبة ياك نت مغيار

berkanya كتب:حبيبتي بسمة ربي يخليك أزين عقبالك نفرحوا بيك 
بالنسبة لديك خيتي راها غزالة لكن أنا حسن منها هههه أنا غادي ندير بكلامكم اغادي نتصرف عادي دبا هي كتقول معا بالها راني صغيرة أمعارفة والو لكن هي غالطة العار تكون قارية غا قدي 
أنا دخلت دبى لفس ديل راجلي ولقيته مسيفتلو إنفتسيون مقبلهاش أمصفتالو مسجات كتقولو دخلني عندك ، أمر مرة كتلوح كلمة كتغزل فيه الله يصبرني

امين احبيبة ديالي ولايني هذالشي بزاف هدي خاص لي يريشها بلوكيها من الفيس دياله

بلوكيها ازين باش تحس واش هيا معاه في نفس الفرقة ولا كيفاش

الكبيدة بغيت نسولك مؤخرا عطاو لي منخرطين في المؤسسة محمد السادس لتظامن بطائق الأنخراط و كدالك الزوجات هنا مزال معطاو لزوجات و زوجة زميلي سولاتني قالت ليا سولي ليا شي زوجة رجل امن في مدينة اخرى

حبيبة شكرا ولاكن راجلك منخرط ياكي